SpaceXAI-ը ներկայացրել է Grok Bot-ի բետա տարբերակը

SpaceXAI-ը (վերանվանվել է xAI) ներկայացրել է Grok Bot-ի բետա տարբերակը՝ «գործակալների թիմ», որին կարող են հանձնարարվել «իրական աշխատանք»։

Grok Bot-ը հասանելի է SuperGrok Heavy, Cursor Ultra եւ Cursor Teams Premium բաժանորդագրություններով համակարգչի եւ iOS-ի համար։ Ձեռնարկությունների օգտատերերը կարող են միանալ սպասման ցուցակին։

Ընկերությունը Grok Bot-ը նկարագրում է որպես «արհեստական բանականության գործընկերներ», որոնց կարող են հանձնարարվել «իրական աշխատանք»։ Մշակողների խոսքով՝ սկսելու համար պարզապես ուղարկեք հաղորդագրություն առաջադրանքով՝ նախնական կարգավորում անհրաժեշտ չէ։

Ստեղծված բոտերը կարող են օգտագործել օգտատիրոջ գործիքները եւ աշխատել տարբեր ծրագրերում։ Մի քանի բոտեր կարող են միաժամանակ աշխատել, որոնցից մեկը կառավարում է մյուսներին։ Նրանք կարող են միմյանց հաղորդագրություններ ուղարկել եւ կիսվել համատեքստով ու թեմաներով։ 

Նրանք կարող են նաեւ տեղակայվել խմբային չատում, որտեղ նրանք անկախ կերպով կհամակարգեն իրենց գործողությունները՝ կհանձնարարեն առաջադրանքներ, կբաշխեն պարտականությունները եւ կներգրավեն օգտատիրոջը միայն անհրաժեշտության դեպքում: Ժամանակի ընթացքում բոտերը դառնում են ավելի նախաձեռնողական եւ սովորում են ավելի լավ հասկանալ, թե ինչ է օգտատերը ցանկանում իրենցից, հայտնել են ընկերությունից։