Apple-ը թողարկել է iOS 26, iPadOS 26, watchOS 26 եւ macOS 26 համակարգերը

Apple-ը թողարկել է iOS 26, iPadOS 26, watchOS 26 եւ macOS 26՝ հեղուկ ապակու էֆեկտով։

Apple-ը ներկայացրել էր օպերացիոն համակարգերի թարմացված դիզայնը 2025 թվականի հունիսի 9-ին։ Վերանայված ինտերֆեյսի տարրերը՝ պատկերակները, կոճակները, վահանակները, ծանուցումները, գլորման գոտիները, որոնման եւ հասցեի գոտիները, դարձել են թափանցիկ։

iOS 26

Նոր համակարգը համատեղելի կլինի երկրորդ եւ երրորդ սերնդի iPhone SE-ի, ինչպես նաեւ iPhone 11-17 բոլոր մոդելների, այդ թվում՝ mini-ի հետ։

watchOS 26

Թարմացնելու համար ձեզ անհրաժեշտ է iPhone 11 կամ ավելի նոր մոդելի կամ երկրորդ կամ հաջորդ սերնդի iPhone SE՝ iOS 26-ով։ 

Օպերացիոն համակարգը աջակցող ժամացույցներն են՝ Apple Watch SE 2 եւ SE 3, Watch Series 6-11, Watch Ultra, Ultra 2 եւ Ultra 3։

macOS 26

2020 թվականից եւ ավելի նոր MacBook Air եւ Pro-ի սեփականատերերը՝ Apple Silicon պրոցեսորներով, կկարողանան տեղադրել macOS Tahoe; 16 դյույմանոց MacBook Pro՝ 2019 թվականից։ MacBook Pro 2020 թվականից՝ 13 դյույմ անկյունագծով։

Նոր օպերացիոն համակարգը սատարող այլ սարքեր՝ iMac 2020 թվականից եւ ավելի ուշ; Mac Studio 2022 թվականից եւ ավելի ուշ; Mac mini 2020 թվականից եւ ավելի ուշ; Mac Pro 2019 թվականից եւ ավելի ուշ։

iPadOS 26

Օպերացիոն համակարգը համատեղելի կլինի M4 չիպով iPad Pro-ի, երրորդ սերնդի եւ ավելի ուշ թողարկված 12.9 դյույմ անկյունագծով iPad Pro-ի, առաջին սերնդի 11 դյույմանոց եւ ավելի ուշ թողարկված iPad Pro-ի, M3 եւ M2 պրոցեսորներով iPad Air-ի, ինչպես նաեւ երրորդ սերնդի եւ ավելի ուշ թողարկված iPad Air-ի հետ։

Ցանկում ներառված են նաեւ A16 չիպով iPad-ը, ութերորդ սերնդի եւ ավելի ուշ թողարկված iPad-ը, ինչպես նաեւ A17 Pro չիպով iPad mini-ն եւ հինգերորդ սերնդի iPad mini-ն։