OpenAI-ը ներկայացրել է կոդում խոցելիություններ գտնելու AI գործակալ

OpenAI-ը ներկայացրել է կոդում խոցելիություններ գտնելու արհեստական բանականության գործակալ Aardvark-ը, որը հասանելի է փակ բետա տարբերակով։

Aardvark-ն աշխատում է GPT-5-ի վրա։ Այն ինքնուրույն վերլուծում է կոդի բազան՝ ընդգծելով պոտենցիալ խոցելի հատվածները։

Արհեստական բանականության գործակալը թեստեր է անցկացնում մեկուսացված միջավայրում՝ սխալների առկայությունը հաստատելու համար, այնուհետեւ ստեղծում է զեկույց՝ դասակարգելով խնդիրները ըստ անվտանգության ռիսկի։ Այնուհետեւ արհեստական բանականության Codex մոդելն առաջարկում է լուծումներ։

OpenAI-ը պնդում է, որ փորձարկումների ընթացքում Aardvark-ը հայտնաբերել է խոցելիությունների 92%-ը։ Ընկերությունն իր կոդի բազաներում օգտագործում է Aardvark-ը մի քանի ամիս։

Արհեստական բանականության գործակալը հասանելի է փակ բետա տարբերակով. Փորձել հնարավոր է այստեղ։