Երգչուհի Դուա Լիպան դատի է տվել Samsung-ին

Երգչուհի Դուա Լիպան 15 միլիոն դոլարի դատական հայց է ներկայացրել Samsung-ի դեմ՝ իր լուսանկարը հեռուստացույցի տուփերի վրա առանց թույլտվության օգտագործելու համար: 

Ըստ Variety-ի՝ հարավկորեական ընկերությունը, ենթադրաբար, երգչուհու պատկերն օգտագործել է ստվարաթղթե հեռուստացույցի տուփերի վրա 2025 թվականից ի վեր։

Փաստաբանները կարծում են, որ լուսանկարը, որը հեղինակային իրավունքով պաշտպանված է երգչուհու կողմից, օգտագործվել է մարքեթինգային արշավում՝ առանց նրա համաձայնության կամ իմացության։ Երբ Դուա Լիպան խնդրել է Samsung-ին դադարեցնել պատկերի օգտագործումը, ընկերությունը մերժել է նրա խնդրանքը, հաղորդում է պարբերականը։

Հայցում պնդվում է, որ Samsung-ը շահույթ է ստացել՝ ստեղծելով տպավորություն, որ Լիպան «հավանություն է տվել ապրանքին», ինչը նա չի արել։ Փաստաթղթում նաեւ հղում է արվում սոցիալական ցանցերի մեկնաբանություններին, որտեղ որոշ օգտատերեր գրել են, որ կգնեն հեռուստացույցը հատկապես Լիպայի լուսանկարով տուփի պատճառով։ 

Ընկերությունը մեղադրվում է հեղինակային իրավունքի խախտման, հրապարակայնության իրավունքների խախտման եւ կեղծ խորհրդատվություն տրամադրելու մեջ, հաղորդում է The Independent-ը։ Samsung-ը չի մեկնաբանել։