Օգոստոսի 28-ին Ծաղկաձորում ամփոփվել է Ուսանողական հաքաթոնի արդյունքները. լավագույն լուծումներ առաջարկած 3 թիմ պարգեւատրվել է:
Առաջին մրցանակին է արժանացել Հայ-ռուսական համալսարանի «GDS» թիմը՝ ստանալով 2.5 մլն դրամ, երկրորդ մրցանակին` հայ-ռուսական համալսարանի «Mayk Talk» թիմը, իսկ երրորդին՝ Վանաձորի պետական համալսարանի «VanLogic» թիմը, որոնք համապատասխանաբար ստացել են 1.5 եւ 1 մլն ՀՀ դրամ:
Հաղթող թիմերը ներկայացրել են լավագույն լուծումներ երեք ուղղությունով՝ տարերային աղետների կանխատեսման եւ կառավարման տեխնոլոգիաներ, պատկերների թվային մշակում եւ խելացի տեխնոլոգիական լուծումներ քաղաքաշինության մեջ։
ՀՀ բարձր տեխնոլոգիական արդյունաբերության նախարարի տեղակալ Ռուբեն Սիմոնյանը նշել է, որ Հաքաթոնը հնարավորություն է տալիս համալսարանից ստացած տեսական գիտելիքն ամրացնել պրակտիկ աշխատանքի միջոցով։
«Այս երեք օրվա ընթացքում դուք ձեր գաղափարները վերածեցիք իրական նախագծերի։ Վստահ եմ՝ սա ձեր մասնագիտական զարգացման սկիզբն է։ Մրցակցությունն ապագայում ավելի է ուժեղանալու, եւ նախարարությունը շարունակելու է ստեղծել հարթակներ, որտեղ դուք կկարողանաք կիրառել ձեր գիտելիքներն ու կարողությունները», – նշել է Ռուբեն Սիմոնյանը։
Ծրագրի նպատակն է ամրապնդել կապերը բուհերի եւ ուսանողների հետ, ուղղորդել նրանց տեխնոլոգիական ոլորտ, կատարելագործել գործնական հմտությունները, ստեղծել մրցակցային դաշտ եւ խրախուսել նորարարական մտքերն ու լուծումները:
Հիշեցնենք, որ եռօրյա միջոցառմանը մասնակցում էին Հայաստանի տարբեր կրթական հաստատությունների շուրջ 100 ուսանող:
13:43 | 28.08.25 |
Նորություններ
AI, ML, IoT եւ ինքնավար տրանսպորտ՝ ՀԱՀ-ի հետազոտական ուղղություններից մի քանիսը
13:06 | 28.08.25 |
Նորություններ
Samsung-ը հայտնել է Galaxy Event-ի օրը
