Google-ը չի վաճառի Chrome-ը եւ կպահպանի Android-ը

ԱՄՆ դաշնային դատարանը որոշել է, որ Google-ը պարտավոր չէ վաճառել Chrome զննարկիչը եւ կարող է պահպանել իր Android օպերացիոն համակարգը։

Ընկերությանը նաեւ թույլ է տրվել շարունակել վճարել սմարթֆոններ արտադրողներին Google-ի որոնողական համակարգը իրենց սարքերում նախապես տեղադրելու համար, բայց արգելվել է կնքել բացառիկ պայմանագրեր։ Մասնավորապես, Google-ը կկարողանա պահպանել Apple-ի հետ կնքված պայմանագիրը՝ Safari զննարկիչում իր որոնողական համակարգն օգտագործելու վերաբերյալ։

Բացի այդ, ընկերությանը պարտավոեցրել են վեց տարի իր տվյալներին հասանելիություն տրամադրել մրցակիցներին, այդ թվում՝ Microsoft-ին, DuckDuckGo-ին, OpenAI-ին եւ Perplexity-ին։

Սակայն որոշումը դեռեւս նախնական է՝ վերջնական որոշումը կկայացվի 2025 թվականի սեպտեմբերի 10-ին։

ԱՄՆ դատարանը Google-ը ճանաչել է որպես որոնողական համակարգերի շուկայում մենաշնորհային ընկերություն 2024 թվականի օգոստոսին՝ Ջո Բայդենի նախագահության օրոք։ 

Լրատվամիջոցները խոստովանել են, որ վերջնական պահանջները կարող են մեղմացվել, եթե Թրամփը դառնա նախագահ։ Դեկտեմբերին ԱՄՆ Արդարադատության նախարարությունը դատի տվեց Google-ին՝ Chrome զննարկիչը վաճառելու եւ որոնման ու գովազդի տվյալներին բաց մուտք գործելու համար՝ մենաշնորհի խնդիրը լուծելու համար: Այնուհետեւ ընկերությունն առաջարկել է «մեղմացնել» իր մենաշնորհը՝ Apple-ի եւ այլ արտադրողների հետ որոնման համակարգերի վերաբերյալ համաձայնագրերը դարձնելով ոչ բացառիկ: