Թումոն Հնդկաստանում կբացի իր առաջին կենտրոնը

Հայաստանի առաջատար ստեղծարար տեխնոլոգիական կրթական ցանցը՝ Թումոն, այս նոյեմբերին կբացի Հնդկաստանի իր առաջին կենտրոնը Մումբայում։ 

Այն կտրամադրի անվճար, ինքնուրույն ռիթմով ուսուցման ծրագիր թվային ոլորտներում՝ այդ թվում ռոբոտաշինություն, գրաֆիկական դիզայն եւ արհեստական բանականություն։

«TUMO-ն արդեն ավարտել է փորձնական ծրագրերը եւ այժմ պատրաստվում է սկսել Մումբայի կենտրոնի աշխատանքը, որը կհյուրընկալի մինչեւ 1 500 ուսանող։

Ծրագիրը ներառում է ինտենսիվ տեխնոլոգիական կրթություն լայն ոլորտներում, այդ թվում՝ խաղերի մշակում, շարժական գրաֆիկա, ռոբոտաշինություն, վեբ ծրագրավորում, անիմացիա, 3D մոդելավորում, գեներատիվ AI եւ կինոարտադրություն»,- նշել է Թումոյի զարգացման գծով տնօրեն Բեկոր Փափազյանը։

17:22 | 06.08.25 |

Ստեղծողներ, ոչ թե սպառողներ. Բեկոր Փափազյանը` Թումոյի AI դարաշրջանի մասին