Plug and Play-ը Հայաստանում ընդունում է հայտեր

Մեկնարկել է ՀՀ բարձր տեխնոլոգիական արդյունաբերության նախարարության և միջազգային հեղինակավոր Plug and Play Tech Center աքսելերատորի հետ իրականացվող «Ինկուբացիոն ծրագրի» մասնակցության հայտերի ընդունման փուլը:

Ծրագրի մեկնարկը նախատեսվում է հոկտեմբերին, որը կանցկացվի առկա ձևաչափով՝ շաբաթական երեք օր և կտևի չորս ամիս։

Առաջիկա ամիսների ընթացքում մասնակից ընկերությունները կստանան խորհրդատվություն, բիզնեսի և կարողությունների զարգացման աջակցություն, գործարար կապեր հաստատելու հնարավորություն, ինչպես նաև նորարարության խթանում և անհատական մենտորություն:

Ծրագրի ընթացքում Հայաստան է ժամանելու տարբեր երկրների բարձր որակավորում ունեցող 40-ից ավելի մասնագետ, որ անհատապես աշխատեն մասնակիցների հետ:

Դիմել կարող են այն թիմերն ու ստարտափները, որոնք ունեն նորարարական գաղափարներ և ցանկանում են մուտք գործել շուկա:

Հայտերի ընդունման վերջնաժամկետը սեպտեմբերի 30-ն է: Մանրամասներին և դիմելու կարգին ծանոթանալ հնարավոր է այստեղ։ 

17:30 | 08.10.24 |

Ալֆրեդո Գոմես Սորիա. Հայաստանում Plug and Play-ի գործարկման ու տեսլականի մասին