OpenAI-ը թողարկել է Sora հավելվածը Android-ի համար

Sora-ի Android հավելվածը հասանելի է Google Play-ում ԱՄՆ-ի, Կանադայի, Ճապոնիայի, Հարավային Կորեայի, Վիետնամի, Թայվանի եւ Թաիլանդի օգտատերերի համար։

OpenAI-ը ներկայացրել է Sora 2 տեսանյութերի գեներատորը եւ iOS հավելվածը 2025 թվականի սեպտեմբերին։ Սկզբում մուտքը միայն հրավերով էր Կանադայի եւ ԱՄՆ IP հասցեներ ունեցող օգտատերերի համար։ Հոկտեմբերին երկրների ցանկը ընդլայնվել է՝ ներառելով վերոնշյալ երկրները: Հրավերի պահանջը վերացվել է։

Միեւնույն ժամանակ, մշակողը տեսանյութի տեւողությունը մեծացրել է մինչեւ 15 վայրկյան բոլոր օգտատերերի համար եւ 25 վայրկյան՝ ChatGPT Pro բաժանորդների համար։