AICA-ն ներդրում է կատարել luna ստարտափում

Հայաստանի հրեշտակ ներդրողների ակումբը (AICA) հայտարարել է luna ստարտափում ներդրում կատարելու մասին։  

luna-ն դեռահասների համար նախատեսված վստահելի առողջության եւ բարեկեցության հարթակ է։ Այն ապահովում է բժշկականորեն ստուգված, տարիքին համապատասխան աջակցություն դեռահասության փուլում գտնվողների համար։

Այն հիմնադրել են կին ձեռներեցներ Ջաս Շեմբրի-Սթոթհարթը (Յակուբյան) եւ Ջո Գուդալը։ luna-ն ձեւավորվել է խորապես անձնական կարիքից, այն առողջապահական կրթության եւ աջակցության համար, որն իրենք՝ հիմնադիրները կցանկանային ունենալ դեռահասության շրջանում։ Այն, ինչ սկսվել է դեռահաս աղջիկների համար, այսօր դառնում է վստահելի ուղեկից ընտանիքների, դպրոցների եւ համայնքների համար ամբողջ աշխարհում։