Հայաստանը 55-րդն է Գլոբալ ստարտափ էկոհամակարգի ինդեքսում

StartupBlink 2026 զեկույցում Հայաստանը համաշխարհային մասշտաբով զբաղեցրել է 55-րդ տեղը։

Նախորդ տարվա զեկույցի համեմատ Հայաստանի համաշխարհային դիրքը նահանջել է մեկ հորիզոնականով, սակայն էկոհամակարգն ինքնին աճել է առողջ տեմպերով (+16.2%), ինչը գերազանցում է Եվրոպայի միջին աճը (+7.3%) եւ Արեւմտյան Եվրոպայի շատ հասուն էկոհամակարգերի ցուցանիշը։

Նախկին խորհրդային հանրապետությունների շարքում Հայաստանը զբաղեցնում է 6-րդ տեղը՝ Բալթյան երկրներից, Ռուսաստանից եւ Ուկրաինայից հետո։

•    Էստոնիա #12
•    Լիտվա #22
•    Ռուսաստան #42
•    Ուկրաինա #43
•    Լատվիա #48
•    Հայաստան #55
•    Վրաստան #66
•    Ղազախստան #71
•    Ուզբեկստան #79
•    Ադրբեջան #81
•    Մոլդովա #82
•    Բելառուս #95

Մեկ շնչի հաշվով Հայաստանը մնում է տարածաշրջանի ամենաուժեղ ստարտափ էկոհամակարգն ունեցող երկիր, որն աճ է գրանցել 16.2%-ով, ինչը Եվրոպայի մեծ մասից բարձր ցուցանիշ է։ 

Հայաստանը շարունակում է գերազանցել Ղազախստանի եւ Ուզբեկստանի նման խոշոր տարածաշրջանային տնտեսություններին։

Սա ցույց է տալիս, որ Հայաստանը, հնարավոր է, մտնում է ավելի հասուն փուլ, մինչդեռ տարածաշրջանային մրցակիցները մտնում են ավելի վաղ աքսելերացիոն ցիկլեր։

Վրաստանը (+78%), Մոլդովան (+91.9%) եւ Ուզբեկստանը (+227%) շատ արագ են զարգանում։ Տարածաշրջանային ստարտափ լանդշաֆտը զգալիորեն ավելի մրցունակ է դառնում։ Հայաստանում դեռեւս բավարար քանակությամբ գլոբալ մասշտաբի բեկումնային ընկերություններ, ավելի խորը կապիտալի պաշարներ եւ ավելի ուժեղ միջազգային տեսանելիություն չկան։

Նշենք, որ այս տարվա զեկույցի Հայաստանի բաժնի մշակմանն աջակցել են Enterprise Armenia-ն եւ STAN-ը։ 

Ամբողջական զեկույցը հասանելի է այստեղ։