My Viva-ով հնարավոր է վճարել Viva-ի բոլոր ծառայությունների համար

«My Viva»-ն վճարումներ կատարելու, ծառայությունները  կառավարելու եւ ինքնասպասարկման հուսալի միջոց է բոլորի համար՝ «մեկ պատուհան» սկզբունքով։ 

Հավելվածի միջոցով ծառայություններից օգտվելը հեշտ է եւ արագ․ մի քանի հպումով օգտատերը ստանում է ծառայությունների ու վճարումների ամբողջական կառավարում՝ առանց ժամանակ կորցնելու։ 

Վճարումների եւ սակագնային պլան փոխելու համար սպասարկման կենտրոն այցելելու, հերթ կանգնելու փոխարեն` «My Viva» հավելվածի միջոցով բոլոր գործողությունները կարելի է կատարել վայրկյանների ընթացքում՝ անմիջապես բջջային հեռախոսից։ Սա զգալիորեն խնայում է ժամանակը եւ ծառայությունների կառավարումը դարձնում արագ ու հարմար։ Ցանկության դեպքում նաեւ հնարավոր է վճարումներ կատարել ընտանիքի անդամների համար։

«My Viva-ն հնարավորություն է տալիս պլանավորելու վճարումները եւ սահմանելու դրանց ավտոմատ իրականացումը։ Կատարված գործարքներն արտացոլվում են անմիջապես, իսկ վճարումների պատմությունն ու էլեկտրոնային հաշիվները հասանելի են ներբեռնման համար: Հավելվածին կցվող բանկային քարտերի տվյալները պահպանվում են ArCa վճարային համակարգում՝ ապահովելով գործարքների անվտանգությունը։

««My Viva» հավելվածը ստեղծվել է մեր բաժանորդների հարմարության համար՝ հիմք ընդունելով նրանց օգտագործման վարքագիծն ու նախասիրությունները: Թվային աշխարհի արագընթաց զարգացման պայմաններում առավել քան երբեւէ կարեւոր է ունենալ վստահելի հավելված, որն ապահովում է ծառայությունների կենտրոնացված կառավարում, ծախսերի արդյունավետ վերահսկում եւ վճարումների իրականացում՝ պարզ, ինտուիտիվ եւ հարմար ինտերֆեյսում։ Մեր բաժանորդները կարող են կցել բանկային քարտ, կատարել վճարումներ ինչպես իրենց, այնպես էլ մտերիմների համար, ինչպես նաեւ ակտիվացնել ավտովճարման տարբերակը: Հպարտությամբ կարող ենք նշել, որ «My Viva» հավելվածը մեծ պահանջարկ է վայելում»,– նշել է Viva-ի գլխավոր տնօրեն Արմեն Ավետիսյանը։

Հարմար ինտերֆեյսի եւ լայն հնարավորությունների շնորհիվ «My Viva»-ը թույլ է տալիս հեշտությամբ՝

•    հետեւել օգտագործմանը եւ վերահսկել ծախսերը,
•    իրական ժամանակում ստուգել հաշվեկշիռը, տրաֆիկի օգտագործումը եւ զանգերի պատմությունը,
•    արգելափակել զանգերը թաքնված համարներից,
•    լիցքավորել կանխավճարային հաշիվը,
•    դիտել հաշիվ-ապրանքագրերը եւ արագ ու անվտանգ վճարել հետվճարային ծառայությունների համար,
•    կարգավորել ավտոմատ վճարումները՝ կցված բանկային քարտի միջոցով լիցքավորելու եւ ծառայությունների համար վճարելու համար,
•    ակտիվացնել, փոփոխել կամ կարգավորել սակագնային պլանը,
•    կառավարել խոսելաժամանակի մնացորդը ու ինտերնետ փաթեթները եւ հեշտությամբ միացնել հավելյալ փաթեթներ
•    ակտիվացնել ռոումինգը եւ օգտագործել «VOYAGE» փաթեթները ավելի քան 80 երկրում
•    օգտվել Viva-ի թվային գործընկերների «Yandex Plus», «ИВИ», «Kinodaran» բացառիկ առաջարկներից,
•    փոխարկել բոնուսային միավորները նվերների,
•    արագ գտնել Viva-ի մոտակա սպասարկման կենտրոնը, 
•    ստանալ աջակցություն՝ մեկ հպումով. գրել չաթ-օգնականին եւ ստանալ պատասխաններ։

«My Viva» հավելվածից օգտվելիս` ինտերնետի սպառման համար գումար չի  գանձվում:

«My Viva»-ն ներբեռնելու տարբերակներ՝ 

•    «My Viva»-ն հեռախոսում տեղադրելու, դրանում գրանցվելու եւ հավելվածից օգտվելու քայլերի հաջորդականությանը կարող եք ծանոթանալ նաեւ այստեղ։
•    Սկանավորեք QR կոդը. սպասարկման կենտրոններում փակցված տեղեկատվական թերթիկների վրա հասանելի QR կոդը կօգնի արագ ներբեռնել հավելվածը եւ ծանոթանալ քայլերին։
•    «My Viva» հավելվածը կարելի է ներբեռնել Google Play-ից կամ Apple Store-ից։