BANA Angels-ը ներդրում է կատարել Rozvelt-ում

BANA Angels-ը հայտարարել է Rozvelt ընկերությունում ներդում կատարելու մասին, որը մասնագիտացած է պրեմիում դասի որսորդական սարքավորումների տեխնիկական նախագծման եւ արդյունաբերական մշակման մեջ։ 

Այն հիմնադրվել է ձեռնարկատերերի կողմից, որոնք ունեն առողջապահության, գիտահետազոտական գործունեության, արտադրանքի մշակման եւ տեխնոլոգիաների ոլորտներում փորձ։ 

Ընկերությունը մշակում է հատուկ նշանակության սարքավորումներ, որոնք նպատակ ունեն լուծել այն խնդիրը, որը երկար տարիներ համարվել է անխուսափելի որսի եւ վայրի բնության պայմաններում։

Գործնական փորձը համադրելով գիտական հիմքի հետ՝ Rozvelt-ի թիմը ստեղծում է նոր արտադրանք, որը կարող է վերափոխել մոտ տարածությունից որսի եւ վայրի բնության դիտարկման արդյունավետության չափանիշները։

Ներդրումն իրականացվել է BANA Angels-ի սինդիկատի միջոցով։