OpenAI-ը ներկայացրել է GPT-5.4 mini-ն եւ nano-ն

OpenAI-ը ներկայացրել է իր ամենաարդյունավետ փոքր մոդելները՝ GPT-5.4 mini-ն եւ nano-ն։

Ընկերությունը հայտնել է, որ GPT-5.4 mini-ն հասանելի է API-ի, Codex-ի եւ ChatGPT-ի միջոցով։ API-ում այն աջակցում է տեքստի եւ պատկերի մուտքագրմանը, գործիքների օգտագործմանը, ֆունկցիաներին, վեբում եւ ֆայլերի որոնմանը, համակարգչի օգտագործմանը եւ հմտություններին։ Համատեքստային պատուհանը 400,000 տոկեն է։ Այն արժե 0.75 դոլար 1 միլիոն մուտքային տոկենների եւ 4.50 դոլար 1 միլիոն ելքային տոկենների համար։

GPT-5.4 nano-ն հասանելի է միայն API-ի միջոցով եւ արժե համապատասխանաբար 0.20 դոլար եւ 1.25 դոլար 1 միլիոն մուտքային եւ ելքային տոկենների համար։

Ըստ ընկերության՝ GPT-5.4 mini-ն զգալիորեն գերազանցում է GPT-5 mini-ին ծրագրավորման, դատողության, բազմամոդալ հասկացողության եւ գործիքների օգտագործման առաջադրանքների մեջ։ Այն նաեւ երկու անգամ ավելի արագ է։

GPT‑5.4 nano-ն GPT‑5.4-ի ամենափոքր եւ ամենաէժան տարբերակն է այն առաջադրանքների համար, որտեղ արագությունն ու արժեքը գերակա են։ Ընկերությունը խորհուրդ է տալիս դրա օգտագործումը ենթագործակալների համար, որոնք կատարում են ավելի պարզ օժանդակ առաջադրանքներ, ինչպիսիք են դասակարգումը, տվյալների արդյունահանումը, վարկանիշավորումը եւ կոդավորումը։